منتديات جوهرة الصحراء


~*¤ô§ô¤*~ غـــدامـــس جـــوهـــرة الصـــحـــراء~*¤ô§ô¤*~
 
الرئيسيةالصفحة الرئيسيةمكتبة الصورس .و .جبحـثالتسجيلالتسجيلدخول
السلام عليكم ورحمة الله وبركاته مرحبا بكم في منتديات جواهر الصحراء نرجوا منكم قضاء اوقات ممتعة معنا
ادارة المنتدى تمنح لي الاعضاء الذين يقومون بي مجهود الاكثر من الرائع في منتدى ستقوم الادارة منحه مشرف على القسم الذي يختاره والاداره ادري بي ذلك وشكرا على الاهتمام............ادارة المنتدى

شاطر | 
 

 مكتبة لمسجات الشعر الشعبى الليبى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
LeeGT
صاحب الموقع
صاحب الموقع
avatar


ليبيا
عدد المشاركات : 218
عدد النقاط : 325
تاريخ التسجيل : 30/01/2010
العمر : 21
الموقع : http://ghadames.yoo7.com

مُساهمةموضوع: مكتبة لمسجات الشعر الشعبى الليبى   الإثنين فبراير 08, 2010 8:09 pm

الخاطر شرب كاس سم اللفاعي وعايش ايداعي ويكمى فعبرات يوم الوداعي
الخاطر شرب كاس سم الهوايش محسوب موش عايش يكمي فعبرات مر وغشايش
وعقلي بعد رزنتا تم طايش امخرب اطباعي ايجيب صورتك حتى وان ضل واعي
==========================================
اطلب تمنى ياربيع العمر ادلل عليا وزاد تأمر أمر
لكن عليا مانهار اتغيب أغيابك عليا كيف لذع الجمر
يادليل الخاطر ياللي بلاك العقل ديما جاضر
لحظة بلاك القلب ماهو صابر عمري كتبتة معاك سطر بسطر
=====================================
عندي عقل من قل الرفيـق الساعة عام فحسابه اتمـر
وعندي فكر ذاهب في الطريق بقى محتار مو عارف ايمـر
وعندي عزم ما ينفع رقيـق لا حمـال لا عمـره صبـر
وعندي نفس خانقها الضيـق دال الياس غير وين المفـر
========================
حاولت ننسى مـا القيـت عزايـميا مصعب النسيـان عللـي هايـم
حـاولـت ننـسـى غـــرورك ونبعد عليـك ونتركـك لشعـورك
لكـن حنينـي شالنـي لبحـورك ولقيت نفسي فـي غريقـك عايـم
صــعـــب نـسـيــانــك وصعب على غيرك ايجي في مكانك
بعد مـا روينـا شاربيـن حنانـك نموت بالعطش عالغير صايم صايم
=================================
لي قلب امفارق محبوبه يكابر عالجرح اللي فيه
ماسك دمعاته بهذوبـه يحساب البعـد اينسيـه
ثاريت النسيان اكذوبـة ماغالي ينسى غاليـه
===============================
مرايفيـن حبينـا عليـك انمسـو بريافنـا ياريـت يـوم اتحـسـوا
عـلــيــك امـــرايـــف وان كان نشغلك راني ربيع وصايف
طول اغيابـك يـا حبيبـي خايـف تهجر ونحنـا عالسـراب انرسـو
==================================
نا عندي نفس لاتخون غلاها .... ولا تروم جافي بلا سبب عاداها
عاشت مع اللي يعرفو مبداها ... لها قدر منهم كل وقت ايجيها
نافكرتي اتعبر علي معناها.... ماانلومها تحكي على ماضيها
الدنيا علي كل حال جربناها .... عرفنا وفاها ونقصها اللي فيها
========================================
قالولي انساه اتهنى وريح بالك منة
قلتلهم من ينسى روحة.... من ينسى اماله وطموحة؟؟
حتى وين انغمض عيني ... ونستنى في النوم ايجيني
نلقى طيفة تحت اجفوني....انقولة يانوم استنى
خلي عيني تشبع منه
===================================
ان كان ياعزيز اغنيت. نا انحمل عازات الجفا
وان عاز ياعزيز اقسمت .... تزهى العين طول عمرها
ان غاليت ........تاخذ قلب مفتوح ياعزيز للغلا
وان جافيت...... تلقى عزم صبار ياعزيز عالجفا
=========================================
ياللي عزيز مكانك ....مازال قلبي ع الوفا ماخانك مانبدلك
مازال قلبي وافي.....ومازال نابض بالحنان الدافي
مــــــوحال يبخل بالعطا مجدافي....لين يوصلة مركب غلاي حنانك
يهون عليا من اجنون اريافي.....ويبقى مقرة في ربوع اوطانك
=========================================
كثر خيره لقيت حنون وخير لي من غيره .......أصاحبت نا والليل
=========================================
اليوم شاكية ياعين قولي كنك ؟؟أنتي مرايفة والـــله أوهامك جنك
=========================================
جرح ثاني .....أمغير يلتظم جرحك اللي جواني ،حلك نويت أتدير جرح ثاني
=========================================
بنت تونسية قالت : العقل فيه برشا هموم مانجمش ياعزيز أنقولهن
ردت عليها الليبية وقالت : هابا ياماشايل عقلي غير وطيت عليه بثقلي
=========================================
ميت موت عليك مرايف نبي نجيك ولكن خايف
=========================================
مازلت يا حلمي الثقيل ثقيل **وقاطع انفاسي
ومازلت يا قلبي العليل عليل **ولا من يواسي
ومازال يا دموعي تسيل ** والقلب ناسي
لوكنت نعلم قبل قلبك قاسي** لاشقيت بيك ولا وجعني راسي
=========================================
الناس دايرة الاصحاب يوم الطربة
وانا صاحبي نبيه يوم الكربة
يوم الضقية يوم حوست الخاطر وجفت ريقه
يوم صورة الحاب تبان حقيقة
سوا صافية ولا اتجي منحرقة
=========================================
وين الدنيا وين عربها وين عيون سماح هدبها
وين اصحاب الفزعة ديمة فزعتهم للعين طربها
وين اصحاب الروح احبابي بسمتهم كانت مقربها
يا ريت ايعودن ليام ويعاود للعين طربها
=========================================
يا طويل السالف يلى على صوتك العقل اموالف
قاطع عروق القلب قطع مخالف لين الكلام عليه يصعب فرزه
ياجميل الغمزه كيف ما طعن وحشى برمحه حمزه
طـــــــــــــــــــاعن كنيني ...
=========================================
مريف جيت جايبنى حنين و نار الشوق
فى قلبى صهيده لك مشتاق نبدالك منين
يا عنوان فى صفحه جديده بسمة ود فى عالم
حزين فيه الود و البسمه وديده
=========================================
مسلسل ما ينتهى
غلاك يا عزيز غير تابعه
=========================================
دز رساله
ونا نجاوبك ع العقل كيف جراله
بقي من غلاك مريض هدا حاله
اسهي لين نيران الغرام كلنه
رن وجامل
بلاك خاطري ماعاد ساعه حامل
ونا عادرك كنهو رصيدك كامل
المهم حاول يا سمح طمنا
=========================================
احنا مانرافقو غير في الزين
ولد بيت مرفوع شانه
وين تطلبه يجيك في الحين
لا لخبطه لاشطانه
دوم في العلا كيف شاهين
مايوم ينزل عفانه
عصران مايغوص في الطين
بعيد النظر صاحب فطانه !
=========================================
صمتي خير من كثر الكلام
وان قلت ماعندي جديد
واللي صار صاير من ايام
عشقك دوم يسري في الوريد
جنسك بشر في وصفك ملاك
نوعك دهب في قوه حديد
ماننساك ولا غيرك عشيق
لين القبر يبقالي مديد
=========================================
اغليت علي بالحيل
ونسيت روحي نسيه..
ونسيت حتي الزاد
وانسيت شرب الميه..
ونسيت حتي النوم
ماعاد يخطر عليا.........
=========================================
كثر الملام غير جر عيوب
يقلب مواجع مالهنش لزوم
كيف من يرقع في قديم الثوب
يواسي كتوفه يقصرن الاكمام
=========================================
هاج البحر ينشد الغالي وينه
قتله رحل بان الزعل في عينه
بقي خاطري متكدر
لونه تغير والكلام تعدر
ترابه ارقي للسطح صار يهدر
وهدت امواجه لين طقت فينا
جيت للبحر بنخبر
بللي جري بالك عليا يدبر
هو ارقي وناقعدت انصبر
ونقوله بكره العزيز يجينا
=========================================
يا نقالي انكان ما مرسال جبتلي مالغالي
نمنع عليك الشحن يا نقالي
نمنع عليك الصوت
ونمنع عليك تعبيه الكروت
وانكسرك ونديرلك تابوت
وفيك نتعزا من الرفق والخوت
انكان رفضت اتوصله مرسالي !
=========================================
غايب عن عيني من مدة عزيز نوده لين الخاطر واصل حده
=========================================
ان كان نشغلك دز السلام العاجل** مع الريح ولامع الحمام الزاجل** سلامك دزه** ان كان بينا باقي عروق معزه** راهوا في غيابك خاطري استفزه** الحاسد اللي من العيب ماهو خاجل **والشوق ياوليفي غصن عزمي هده** يخطرلك الشوق يهد عزم الراجل؟؟؟
تحياتي

LeeGT


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ghadames.yoo7.com
ulv hg;,v]d
نائب المدير
نائب المدير
avatar


ليبيا
عدد المشاركات : 220
عدد النقاط : 253
تاريخ التسجيل : 04/02/2010
العمر : 26
الموقع : http://ghadames.yoo7.com

مُساهمةموضوع: رد: مكتبة لمسجات الشعر الشعبى الليبى   الإثنين فبراير 08, 2010 10:38 pm

تسلم يا leeGT
ابدعت في موضوعك
تحياتي ليك
سيد الاحزان


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة الصحراء
مشرفة
مشرفة
avatar

ليبيا
عدد المشاركات : 50
عدد النقاط : 56
تاريخ التسجيل : 04/02/2010
العمر : 26

مُساهمةموضوع: رد: مكتبة لمسجات الشعر الشعبى الليبى   الجمعة فبراير 12, 2010 12:30 am

شكرا ليك
مسجات حلوة ونزيد عليهم
صعب صده استوطن جاب سري دار مخده غلاك في كنين القلب صعب صده

ما خلاني ننسى اللي واخذ على نسياني على ما نهيت العقل ما خلاني

لا جابه نت ولا رنه غايب كنه متباعد حاله شاغلنا

غالي وغلاك ما يتقدر كبر البحر والموج وبالك اكتر كيف الجبل بالريح ما يتأثر وكيف السنين تطول وما تتقصر ومهما نوصف غلاك نظل مقصر

فوق ما تتصور بسبلة وبلا سبلة عليك ندور حاكم عليك رياف فوق ما تتصور

ما هم كيفك سريب الناس في طبعك وفي توصيفك لقيتهم جميع الناس ماهم كيفك

وين ما نقول بننسى يجي طيفهم يشغل حواسي الخمسة يجي طيفهم يشغلني ويهجر عيوني النوم ويسهرني ويسيطر عليا احساس ويحيرني كيف ما سهرت الليل نصبح ونمسى

تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ulv hg;,v]d
نائب المدير
نائب المدير
avatar


ليبيا
عدد المشاركات : 220
عدد النقاط : 253
تاريخ التسجيل : 04/02/2010
العمر : 26
الموقع : http://ghadames.yoo7.com

مُساهمةموضوع: رد: مكتبة لمسجات الشعر الشعبى الليبى   الخميس فبراير 18, 2010 9:31 pm

تسلمي جوهرة
تحياتي
سيد الاحزان


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الصمود
عضو فعآل
عضو فعآل
avatar


ليبيا
عدد المشاركات : 92
عدد النقاط : 145
تاريخ التسجيل : 19/02/2010

مُساهمةموضوع: رد: مكتبة لمسجات الشعر الشعبى الليبى   الأربعاء فبراير 24, 2010 5:44 pm

شكرا على موضوعك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الصمود
عضو فعآل
عضو فعآل
avatar


ليبيا
عدد المشاركات : 92
عدد النقاط : 145
تاريخ التسجيل : 19/02/2010

مُساهمةموضوع: رد: مكتبة لمسجات الشعر الشعبى الليبى   الأربعاء فبراير 24, 2010 5:52 pm

شكرا على موضوعك جميل جيدا جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الصمود
عضو فعآل
عضو فعآل
avatar


ليبيا
عدد المشاركات : 92
عدد النقاط : 145
تاريخ التسجيل : 19/02/2010

مُساهمةموضوع: رد: مكتبة لمسجات الشعر الشعبى الليبى   الأربعاء فبراير 24, 2010 5:54 pm

شكرا موضوعك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المميز
المراقب العام
المراقب العام
avatar


ليبيا
عدد المشاركات : 228
عدد النقاط : 514
تاريخ التسجيل : 04/02/2010

مُساهمةموضوع: رد: مكتبة لمسجات الشعر الشعبى الليبى   الخميس مارس 04, 2010 3:28 pm

شكلرا على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مكتبة لمسجات الشعر الشعبى الليبى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جوهرة الصحراء :: القسم الادبي :: منتدى الشـعر والخـواطر-
انتقل الى: